24 июн 11:53
Янгиликлар

Бокс/ММА

Постол чемпионлик камари учун жангда мағлуб бўлди

Шотландиянинг Глазго шаҳрида профессионал бокс кечаси ўтказилди.

Оқшомнинг марказий жангида биринчи ярим ўрта вазн тоифасида собиқ жаҳон чемпиони Виктор Постол (29-2, 12КО) шотландиялик 27 ёшли Жош Тейлор (13-0, 11КО)га қарши рингга кўтарилди.

Жанг 63,5 кг вазн тоифасида ўтказилиб, унда Тейлор ўз мухлислари кўз ўнгида WBC Silver чемпионлик камари соҳибига айланди. Ўн икки раундга мўлжалланган жанг ғолиби ҳакамлар қарорига кўра аниқланиб, унда Жош 118-110, 119-108 ва 117-110 ҳисобида зафар қучди. Постол 10-раундда нокдаун ҳолатига тушиб қолди.

Эслатиб ўтамиз, ўтган йили украиналик 34 ёшли Постол Киев шаҳрида ҳамюртимиз Жамшид Нажмиддиновга қарши жанг ўтказган эди. Ўша жангда Постол икки бор (бирида чуқур) нокдаун ҳолатига тушиб қолган бўлса-да, якунда ҳакамлар ғалабани мезбон боксчига тақдим этишганди.