17 дек 10:03
Янгиликлар
Бокс/ММА
Поветкин - Жошуа жангининг қачон ўтказилиши деярли маълум
Профессионал бокснинг супероғир вазн тоифасида IBF, IBO ва WBA йўналишлари чемпиони Энтони Жошуа WBA камарини Александр Поветкиндан ҳимоя қилиши шарт.
Россиялик собиқ жаҳон чемпиони руминиялик Кристиан Хаммерни мағлубиятга учратиб, Жошуанинг чемпионлик камарига расмий даъвогарга айланган эди. Поветкиннинг промоутери Андрей Рябинскийнинг айтишича, ушбу жанг келаси йилнинг ёзида Британияда ўтказилади.
“Биз Жошуанинг промоутери билан гаплашдик. Улар томондан бу жангга қизиқиш бор. Режага кўра 2018 йилнинг ёзида ушбу чемпионлик жангини ўтказамиз. Бизга қолса, бу жанг Буюк Британияда ташкил этилса яхши бўларди”, – деди Рябинский.
“Жошуа умуман бошқа калибрдаги рақиб. Унга қарши кечадиган жангга алоҳида ёндашув билан тайёргарлик кўриш шарт. Мен Жошуанинг ватани, яъни Британияда жанг ўтказишга тайёрман”, – дея қўшимча қилди Поветкин.
Ҳавола :
Манба : isport.ua
Фикрлар