12 авг 18:22
Янгиликлар
Бокс/ММА
Поветкин Жошуага қарши жангга тайёргарликнинг биринчи босқичини якунлади
Профессионал бокснинг супероғир вазн тоифасида WBO International ва WBA Inter-Continental чемпионлик камарлари соҳиби Александр Поветкин (34-1, 24 КО) 22 сентябрь кунига белгиланган жангига тайёргарликнинг биринчи босқичини якунлади.
Россиялик боксчи шу куни WBA, IBF ва WBO йўналишлари чемпиони британиялик Энтони Жошуа (21-0, 20 КО) билан тўқнаш келади. Александр Москвага қайтди ва бир неча кунлик таътилдан сўнг яна машғулот залига қайтади.
“Жошуа билан бўлиб ўтадиган тайёргарликнинг биринчи босқичидан кўнглим тўлди. Саша машғулотда астойдил ишлади”, - деди Поветкиннинг мураббийи Иван Кирпа.
Маълумот учун, Александр Поветкин WBA чемпионлик камарига расмий даъвогар ҳисобланади. Унинг Энтони Жошуага қарши чемпионлик жанги 22 сентябрь куни Лондондаги “Уэмбли” стадионида бўлиб ўтади.
Ҳавола :
Манба : allboxing.ru
Фикрлар