UZ

Сўнгги янгиликлар

18:36Гимнастикачиларимиз Жаҳон челленж кубогини 9 та медаль билан якунлашди 0 18:15Шаҳрам Ғиёсов Кроуфорд - Альварес жангига муносабат билдирди 0 17:54"Барселона" Араухо бўйича қарор қабул қилди 0 17:33Ўзбекистонлик шинкиокушинкай каратэчилар Марказий Осиёда биринчи бўлишди 0 17:12Канело — Кроуфорд жанги учун салкам 200 000 долларлик камар қўйилади 0 16:51Дана Уайт нима учун Махачев - Маддалена жанги эълон қилинмаётганига изоҳ берди 0 16:30"Челси" Жексон бўйича қарор қабул қилди 0 16:09Том Аспиналл чемпион мақомидаги илк "вызов"ни қабул қилиб олди 0 15:48Қозоғистонлик ҳафта "шов-шув"чиси Галле турнири финалида 0 15:27Теренс Кроуфорд: "Мадримовни ютганман, бу аниқ!" 0 15:06"Реал" мухлислари учун хушхабар 0 14:45UzChess Cup. Барча гуруҳларда пешқадамга айландик. Тўртинчи тур жуфтликлари ва турнир жадваллари билан танишинг 0 14:24Эдди Хирн: "Аҳмадалиев билан жанг қилишга рози бўлгани учун Иноуэни ҳурмат қиламан, чунки..." 0 14:03Маҳмуд Мурадов чехиялик моделнинг қўлини сўради, қизнинг жавоби маълум (ВИДЕО) 0 13:42ЎФФ Ижроия қўмитаси: Янги мавсум совриндорлари катта миқдордаги пулга эга бўлишади 0

10 сен 07:51
Янгиликлар

Бокс/ММА

Профессионал бокс. Фарғонада Ўзбекистон чемпионлари аниқланди, ғолиб 8 млн сўмга эга бўлди

Бешта вазн тоифасида ўтказилган мазкур финал жанглари мухлис ва мутахассисларда катта таассурот қолдирди.

Шахсан вилоят ҳокими Шуҳрат Ғаниев ташаббуси билан Фарғона вилояти профессионал бокс федерациясига тақдим этилган “Амфитеатр” мухлислар билан тўлиб тошди. 

Жанг кечасини вилоят ҳокими табрик сўзлари ва боксчиларга омад тилаган ҳолда очиб берди. Сўнгра, Ўзбекистон профессионал бокс федерацияси раиси ўринбосари Владимир Шин сўз олиб, барча фарғоналикларни янги қуриб битказилган профессионал боксга ихтисослашган “Али” клуби ва Фарғона вилояти профессионал бокс федерацияси фаолиятига омад тилади. 

Жанглар ҳам бир-биридан шиддатли кўриниш олди. Дастлаб, 53.525 кг вазн тоифасида учинчи ўрин учун фарғоналик Умиджон Маликжонов Хоразм вилояти вакили Йўлдошбой Оллоназаровни мағлуб этди. Финал жангида эса, тажрибали Олим Назаров навоийлик ёш иқтидор эгаси Нуржан Сериковни мағлуб этди ва Ўзбекистон чемпионлик камарини қўлга киритди. 

63.503 кг вазн тоифасидаги жанглар ҳам қизиқарли кечди. Тошкент шаҳри вакили Шоҳрух Ашуров мезбон боксчи Исломбек Турсунбоев устидан ғалаба қозониб, учинчи ўринни банд этди. Финал жангида хоразмлик Абдурасул Исмоилов Навоий вилоятидан ташриф буюрган Улуғбек Дўстмуродовни 3-раундда техник нокаутга учратди ва чемпионлик камарига эга бўлди. 

66.678 кг вазн тоифасида учинчи ўрин Хоразм вилояти вакили Фаррух Илҳомовга насиб этди. Унинг рақиби мусобақага етиб кела олмади. Финал жангида Тошкент шаҳри вакили Муҳаммадсалим Сотиболдиев ва мезбон боксчи Акрамжон Мамажонов тўқнаш келди ва унда пойтахтлик боксчи очколар ҳисобида устун келди. 

Қолган вазн тоифаларида фақатгина финал жанглари ўтказилди. 69 кг вазн тоифасида фарғоналик Акмалхон Жамолхонов сурхондарёлик Музаффар Рашидовни очколар ҳисобига мағлуб этди. 

Сўнги финал 76,203 кг вазнда бўлиб ўтди. Фарғона вилояти шарафини ҳимоя қилган Муслимбек Олимов хоразмлик Ражапбой Отаназаровни биринчи раунднинг илк сонияларидаёқ нокаутга учратди. 

Шундай қилиб, профессионал бокс бўйича Ўзбекистон чемпионатининг 5 вазн тоифасидаги дастлабки ғолиб ва совриндорлари аниқланди. Қолган 5 вазн тоифасидаги финал жанглари эса 15 сентябрь куни Самарқандда ўтказилади. 

Эслатиб ўтамиз, ушбу финал жанглари 6 раунддан иборат бўлиб, ғолиб - 8 млн, иккинчи ўрин сохиби - 4 млн, учинчи ўринни қўлга киритган боксчи - 2 млн сўмни қўлга киритдилар.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг