06 авг 13:09
Янгиликлар

Бокс/ММА

Промоутер: “Шартномада Ковалёвнинг Альваресга қарши реванш жанги юзасидан банд бор”

Сергей Ковалёвнинг промоутери Кэти Дува россиялик боксчининг кечаги мағлубиятида унинг ёши ҳеч қандай аҳамиятга эга эмаслигини айтди.

Дува ўз фикрига қўшимча тарзда шартномада реванш жанги ҳақидаги банд борлигини маълум қилди.

“Сергей ёши сабаб мағлубиятга учради, деган фикрдан йироқман. У олти раунд давомида жангни ўз назорати остида ушлаб турганди. Бу фахрий боксчининг хатти-ҳаракатлари эмасди. Шунчаки битта зарба вазиятни ўзгартириб юборди. Шартномада реванш жангини ўтказиш банди бор. Ишончим комил, Ковалёв реваншда ғалаба қозона олади”, - деди Дува.