Промоутер Усикни мағлуб этиш учун Жошуа қандай ҳаракат қилиши кераклигини айтди

Бокс бўйича оғир вазн тоифасида WBA, IBF, WBO ва IBO йўналишлари бўйича собиқ чемпион Энтони Жошуанинг промоутери Эдди Хирн Жошуа ғалаба қозониш учун украиналик Александр Усик билан реванш жангида янада тажовузкор бўлиши керак, деган фикрни билдирди. 

"Жошуага осон бўлмасада, тажовузкорроқ ҳаракат қилишига тўғри келади. Баъзилар, Энтони дарҳол Александрга ташланиб, ҳақиқий жангни бошлаши керак деб ўйлашади. Аммо ундай эмас. Усик вазн тоифасидан қатъи назар, энг кучлисидир ва сиз у билан жангда ўз афзал тарафларингиздан фойдаланишингиз керак. 

Жошуада ажойиб база, ажойиб бокс мактаби, тезлик ва куч бор. Менимча, у биринчи жангда ҳаммасидан ҳам фойдаланмаган. Аммо, яна такрор айтаман, бу осон иш эмас. Жанг қийин бўлади, лекин Энтони жангга тайёр", — деб айтиб ўтган Хирн.