06 авг 17:17
Янгиликлар

ПСЖдагилар "Барселона" футболчисининг устидан кулишди

Франциянинг «Пари Сен-Жермен» ишқибозлари «Барселона» жамоаси ҳимоячиси Жерар Пикенинг Твиттердаги "Неймар Испанияда қолади", деган постини унутишмаган экан.

25 ёшли футболчи ва «ПСЖ» вакиллари ўртасида ҳали музокаралар давом этаётган бир пайтда Пике ўз саҳифасида қуйидаги твитни ёзганди: «У қолади».

2017/18-йиллар мавсумининг очилиш учрашувида ПСЖ ўз майдонида «Амьен» клубини қабул қилди (2:0). Ўйинга баъзи мухлислар махсус футболкаларда келишди. Йигитлардан бири Пикенинг жумласини тўғрилаб қўйилган вариантидаги ёзувли футболкада келди (сариқ футболкада): «У қолмайди».