Қарши давлат ихтисослаштирилган мактаб-интернатига касбий имтихонлар бошланди

Қарши шаҳар олимпия ва миллий  спорт турлари бўйича давлат ихтисослаштирилган мактаб-интернатига 2020-2021 ўқув йили учун спортнинг дзюдо, футбол, миллий кураш йўналишларига 5 синф (2009 йилда туғилган) ўқувчиларини қабул қилишнинг касбий имтиҳон жараёнлари карантин қоидаларига амал қилинган ҳолда бошланди. 

Имтиҳон жараёнларида шаффофликни таъминлаш мақсадида Ўзбекистон Республикаси Жисмоний тарбия ва спорт вазирлигидан келган қабул комиссияси вакиллари ҳам иштирок этмоқда ва барча жараёнлар видеокузатув орқали ёзиб олинмоқда. 2020-2021 ўқув йилида мазкур спорт таълим муассасасига юқорида санаб ўтилган спорт турлари бўйича жами 30 нафар ёшлар саралаб олинади. 

Илҳом РАҲМОНОВ, ўз мухбиримиз