Қарши ИОЗМИ директори ўзи ўқиган мактабга китоблар совға қилди

Президентимиз томонидан илгари сурилган ушбу хайрли ташаббус туфайли эндиликда мансабдор шахслар, зиёлилар, ишчи ходимлар ўзлари тахсил олган умумий ўрта таълим мактабларига китоблар совға қилишмоқда. 

Хусусан, Қарши ихтисослаштирилган олимпия захиралари мактаб-интернати директори Нормаҳмат Жалилов ҳам ўзи таҳсил олган Қамаши тумани Новобод қишлоғидаги 12-умумий ўрта таълим мактаби кутубхонасига ўзбек миллий ҳамда жаҳон адабиёти намояндаларининг сара асарларидан иборат 100 дона китоб совға қилди. 

- Биз мактабимизда билим олиб, кейинчалик жамиятимизда, эл орасида нафи тегадиган, элда эъзоз топган битирувчиларимиз билан фахрланамиз, - деди мактаб кутубхоначиси Шоира Шодмонова. - Мактабимиз кутубхонасига жисмоний тарбия ва спортни вилоятимизда ривожланишида ҳисса қўшиб келаётган, таниқли устоз-мураббий, жонкуяр раҳбар, Наврўз тантаналари, тўй ва сайилларда ўтказиладиган, миллий спорт туримиз бўлган кураш давраларини бош ҳакам, бош баковул сифатида доимо одиллик ва ҳалоллик билан бошқарадиган Нормаҳмат аканинг сара адабиётлар совға қилиши ўқувчиларимизнинг китобга янада меҳр қўйиши ва шу орқали тасаввур олами, дунё қараши кенгайиб, маънавияти шаклланиши бор гап.

Илҳом РАҲМОНОВ тайёрлади