Қаршида 950 млн сўмга тўлиқ таъмирланган дзюдо зали фойдаланишга топширилди

Унда Қашқадарё вилояти ҳокимлиги, вилоят жисмоний тарбия ва спорт бошқармаси раҳбарияти, шунингдек, фахрий ва ёш спортчилар ҳамда тренер-ўқитувчилар иштирок этишди.

Жисмоний тарбия ва спорт вазирлиги томонидан 2020 йилги Инвестиция дастури доирасида 950 млн сўм миқдоридаги маблағлар эвазига мукаммал таъмирланган мазкур дзюдо зали бир кунда 200 нафар спортчини ўзида жамлай олади.

Қарши олимпия захиралари коллежининг дзюдо залида спортчилар ҳамда тренерлар учун барча шароитлар яратилган бўлиб, Жисмоний тарбия ва спорт вазирлиги томонидан спорт анжомлари билан тўлиқ жиҳозланди ҳамда йилнинг тўрт фаслида ҳам тўла қувватда фаолият юритиш имкониятига эга бўлди.