16 сен 13:30
Янгиликлар

Дзюдо

Қаршида Қашқадарёнинг саралари сараланди

Қарши шаҳрида дзюдо бўйича 2006-2007 йилда туғилган ўсмир ва қизлар ўртасида Қашқадарё вилоят чемпионати бўлиб ўтди.

Қарши ихтисослаштирилган олимпия захиралари мактаб интернатида дзюдо залида ўтказилган мусобақада жами 252 нафар ўсмир медаллар учун баҳсларга киришди. Шулардан 37 нафарини қиз болалар ташкил этди.

Муросасиз курашлар остида кечган мазкур мусобоқа ғолиблари 1-4 октябрь кунлари Бухоро шаҳрида ўтказиладиган Ўзбекистон чемпонатида вилоят шарафини ҳимоя қилиш ҳуқуқини қўлга киритишди.