08 апр 12:46
Янгиликлар
Бокс/ММА
“Қирол Кубоги”. Мадримов чемпион, Абдураимов вице-чемпион!
Ҳозиргина Таиланд пойтахти Бангкок шаҳрида бокс бўйича нуфузли “Қирол Кубоги” мусобақаси якунланди.
Бундан бир неча дақиқа олдин халқаро турнирнинг ҳал қилувчи финал жанглари бўлиб ўтди. Ушбу босқичга 7 боксчимиздан 4 нафари - Ҳасанбой Дўсматов, Шаҳрам Ғиёсов, Исроил Мадримов ва Элнур Абдураимов етиб келган эди.
Улардан Ҳасанбой Дўсматов ва Шаҳрам Ғиёсов мураббийларнинг қарорига кўра финал жангида рингга чиқишмади. Қолган икки вакилимиз эса олтин медал учун жанг ўтказишди.
Элнур Абдураимов финал баҳсида таиландлик машҳур боксчи Вуттичай Масукка қарши рингга кўтарилди. Афсуски, ҳакамлар якунда ноҳақ мезбон боксчининг ғалабасини таъминлашди.
Яна бир чарм қўлқоп устамиз Исроил Мадримов эса анча кучли рақиб кубалик Ослей Иглесиас Эстрадани мағлубиятга учратишнинг уддасидан чиқди.
Ҳавола :
Манба : olamsport.com
Фикрлар
Olg'a UZBEKISTAN