12 дек 12:29
Янгиликлар
Қишки Олимпиадада қайси Ўзбекистонлик спортчилар иштирок этадилар?
Olamsport.com сайтига маълум бўлишича, ушбу турнирда Ўзбекистон шарафини уч нафар спортчи ҳимоя қилади:
Миша Ге Миша - 1991 йилнинг 17 май куни Москвада туғилган. Фигурали учиш бўйича Ўзбекистон миллий терма жамоа аъзоси, Халқаро тоифадаги спорт устаси.
2017 йилнинг март ойида Финляндиянинг Хельсинки шаҳрида бўлиб ўтган жаҳон чемпионатида 12-ўринни эгаллаб, 2018 йилги қишки олимпия ўйинларида иштирок этиш учун лицензияни қўлга киритди.
Камилжон Тўхтаев - 1997 йилнинг 30 октябрь куни Тошкент вилояти, Янгиобод шаҳрида туғилган.
Тоғ чанғиси спорт тури билан 2005 йилдан шуғулланиб келмоқда. 2008 йилдан буён Ўзбекистон терма жамоаси аъзоси. FIS бошчилигида ташкиллаштирилган халқаро мусобақалар ва Австрия ва Швейцарияда бўлиб ўтган жаҳон чемпионатлари якунларига кўра 2018 йилги қишки олимпия ўйинларида иштирок этиш учун лицензияни қўлга киритди.
Ксения Григорьева - 1987 йилнинг 25 ноябрь куни Тошкент шаҳрида туғилган.
Тоғ чанғиси спорт тури билан 1995 йилдан шуғулланиб келмоқда. 2006 йилдан буён Ўзбекистон терма жамоаси аъзоси. Халқаро тоифадаги спорт устаси. Хитойдаги халқаро мусобақа натижаларига кўра Олимпиадада иштирок этиши маълум бўлади.
Фикрлар