Қўл жанги. Ўсмирларимиз Россияда 34та медал қўлга киритишди+ФОТО

Унда 19 давлатдан энг сара қўл жанги усталари ғолиблик учун баҳс олиб боришди. Баҳслар 3 та ёш тоифасида ўтказилди. Мазкур турнирда Ўзбекистон ўсмирлар терма жамоаси ҳам тўлиқ таркиб билан иштирок этди. 

12-13 ёшли спортчилар ўртасида ўтказилган баҳсларда вакилларимиз томонидан 3 та олтин, 5 та кумуш ва 4 та бронза медали қўлга киритилди.14-15 ёшли спортчилар ўртасидаги баҳсларда эса вакилларимиз 2 та бронза ва 5 та кумуш медалгни қўлга киритишган бўлишса, 4 маротаба шоҳсупанинг энг юқорисига кўтарилишди. 

16-17 ёшли спортчилар ўртасида ўтказилган баҳсларда эса спортчиларимиз 4 та олтин, 5 та кумуш ва 1 та бронза медалини қўлга киритишди. Якунда 11 та олтин, 15 та кумуш ва 7 та бронза медаллари билан тақдирланган ўзбекистонлик қўл жанги усталари умумжамоа ҳисобида иккинчи ўринни эгаллашди. 

Биринчи ўрин мезбон россиялик спортчиларга тегишли бўлди. Қозоғистонлик ўсмирлар эса медаллар жамғариш бўйича учинчи натижани қайд этишди. 

Эслатиб ўтамиз, Руминиянинг Бухраест шаҳрида ўтган йили бўлиб ўтган жаҳон чемпионатида вакилларимиз 15 та медални қўлга киритган ҳолда, умумжамоа ҳисобида биринчи ўринни қўлга киритишган эди.