23 окт 10:25
Янгиликлар
Шахмат
Қосимжонов Тошкентдаги турнирдан 10 000 доллар ишлаб олди
Хабар берганимиздек, пойтахтимиздаги “Миран” меҳмонхонасида шахмат бўйича нуфузли мусобақа – Шахмат Юлдузлари турнири бўлиб ўтди.
Буюк саркарда ва давлат арбоби Амир Темур таваллудининг 680-йиллигига бағишлаб ўтказилган ушбу супер турнирда озарбайжонлик Шахрияр Мамадияров бош мукофотни қўлга киритганди.
У 12 имкониятдан 8 очко тўплаб, бош мукофот ҳамда 20 000 АҚШ доллар миқдоридаги мукофот жамғармасига ҳам эга бўлди. Олти очко билан иккинчи ўринни эгаллаган исроиллик Борис Гельфанд 12 000 долларни қўлга киритди.
Ҳамюртимиз 17-жаҳон чемпиони Рустам Қосимжонов эса 5 очко билан учинчи ўринни банд этди. Бу эса унга 10 000 АҚШ долларини тақдим этди. Беш очко билан тўртинчи поғонадан жой олган украиналик Руслан Пономарев Тошкентдан 8 000 доллар билан кетди.
Ҳавола :
Манба : olamsport.com
Фикрлар