Қосимжоновнинг “Шахмат Юлдузлари”даги илк мағлубияти

Буюк саркарда ва давлат арбоби Амир Темур таваллудининг 680-йиллигига бағишлаб ўтказилаётган ушбу супер турнирда дунё тан олган тўрт нафар гроссмейстер – озарбайжонлик Шахрияр Мамадияров, исроиллик Борис Гельфанд, украиналик Руслан Пономарев ҳамда 17-жаҳон чемпиони ҳамюртимиз Рустам Қосимжонов иштирок этяпти.

Кеча иккинчи тур баҳсларида Қосимжонов 3та учрашув ўтказиб, дастлабки мағлубиятини қабул қилиб олди. Аввалига Руслан Пономарев ва Шахрияр Мамадияров билан дуранг ўйнаган шахматчимиз 3-партияда Борис Гельфандга имкониятни бой берди.

Бугунги учрашувлар олдидан Рустам Қосимжонов 2,5 очко билан учинчи ўринни эгаллаб турибди. 4,5 очкога эга Шахрияр Мамадияров деярли ғолибликни қўлга киритди. 

ИККИНЧИ ДАВРА НАТИЖАЛАРИ:

Қосимжонов - Пономарев 0,5:0,5

Мамадияров - Гельфанд 1-0

Пономарев - Гельфанд 0-1

Қосимжонов - Мамадияров 0,5:0,5

Мамадияров - Пономарев 1-0

Гельфанд - Қосимжонов 1-0

Турнир жадвалидаги вазият: Мамадияров - 4,5 очко,  Гельфанд - 3 очко, Қосимжонов - 2,5 очко, Пономарев - 2 очко.

БУГУНГИ УЧРАШУВЛАР:

Пономарев - Қосимжонов

Гельфанд - Мамадияров

Гельфанд - Пономарев

Мамадияров - Қосимжонов

Пономарев - Мамадияров

Қосимжонов - Гельфанд

Маълумот учун, Шахмат Юлдузлари турнирининг умумий мукофот жамғармаси 50 минг Америка Қўшма Штатлари долларини ташкил этади. Ғолиб гроссмейстер 20 минг долларга эга бўлади.