05 ноя 07:57
Янгиликлар

Бокс/ММА

Қудратилло АҚШдан қайтиб келди, жанг Андижонга кўчирилди

WBC Silver чемпионлик камари соҳиби Қудратилло Абдуқаҳҳоров АҚШда бўлиб турган ва режага кўра 18 ноябрь куни океан ортида Америка заминидаги илк жангини ўтказиши керак эди.

Лекин куни кеча ҳамюртимиз кутилмаганда Ўзбекистонга қайтиб келди. Унинг сайтимизга берган хабарига кўра, бунга виза муддатининг тугаб қолиши сабаб бўлган. У яна бир профессинал боксчимиз Азизбек Абдуғофуров билан бирга Тошкентга қайтган.

Маълумот учун, Қудратилло Абдуқаҳҳоров айни пайтда WBC йўналиши рейтингида 5-ўринни эгаллаб турибди ва катта эҳтимол билан келаси йили у олтин чемпионлик камари учун рингга кўтарилади. Ҳозирча у 18 ноябрь куни Андижонда рейтинг жангини ўтказади.