"Қудратли сичқонча" UFC Шон-шуҳрат Залига киритилади

"Қудратли сичқонча" 2013 йилнинг январидан 2017 йилнинг октябригача кетма-кет чемпионлик унвонини ҳимоя қилиш бўйича UFC рекордини ўрнатганди. У дунёнинг энг кучли лигаси Шон-шуҳрат залига киритилган энг енгил дивизионнинг биринчи жангчиси бўлади.

"Деметриус Жонсон - барча даврларнинг энг енгил дивизионидаги энг буюк жангчиси. У ММАда ажойиб фаолиятга эга бўлган ажойиб чемпион эди ва унинг кетма-кет ўн бир марта чемпионлик камарини ҳимоя қилиш серияси биз профессионал спортда кўрган энг таъсирли рекордлардан бири бўлиб қолмоқда. Уни ёзда Шон-шуҳрат залига киритиш биз учун шараф", - деди лига раҳбари Дана Уайт расмий пресс-релизда.

2011 йилда америкалик WEC лигасининг қўшиб олиниши натижасида UFC`га ўтди ва ташкилотда 18 та жанг ўтказиб, 15 ғалаба, 2 мағлубият ва битта дуранг қайд этди. 2012 йилда Деметриус Жонсон энгил вазн тоифасида биринчи UFC чемпиони бўлди ва кейин 2018 йилда Генри Сехудога ютқазгунга қадар камарини ўн бир марта муваффақиятли ҳимоя қилди.

"Қудратли сичқонча"нинг UFC`даги фаолияти 2018 йил октябрь ойида кутилмаганда якунланди, у ташкилотларнинг тарихий келишуви доирасида ONE Championship`да Бен Аскренга алмаштирилди.

39 ёшли Деметриус Жонсон сўнгги жангини 2023 йилнинг май ойида ўтказиб, чемпионлик трилогиясининг сўнгги баҳсида бразилиялик Адриано Мораесни ҳакамларнинг якдил қарори билан мағлуб этган ва ўта енгил вазн тоифасида ONE чемпионлик камарини ҳимоя қилганди.