13 июл 11:25
Янгиликлар
Футбол
Қуролланган солиқчилар Роналдунинг яхтасида текширув ўтказишди
Испания солиқ инспекцияси қошидаги божхона департаменти вакиллари Криштиану Роналдунинг яхтасида текширув ўтказишди.
“Реал” клуби етакчиси айни пайтда Балеар оролларида хордиқ чиқаряпти. Божхона ходимлари футболчи ҳомиладор рафиқаси билан ресторандан яхтага қайтган бир пайтда пайдо бўлишган.
Улар бир ярим соат мобайнида яхтада тинтув ўтказишган. Ваҳоланки, бу яхта Роналду томонидан ижарага олинганди.
Эслатиб ўтамиз, португалиялик футболчи ўзининг имидж ҳуқуқидан оладиган даромадларидан солиқ тўламаганликда айбланмоқда.
Роналду тўлашни истамаётган сумма 14,7 млн еврони ташкил этади. Ушбу иш юзасидан суд 31 июль куни бўлиб ўтади.
Ҳавола :
Фикрлар