Рапид бўйича ўтказилаётган Ўзбекистон чемпионатидан ФОТОРЕПОРТАЖ

Биринчи куни мусобақанинг 4 та тури ўтказилди. Юз нафардан ошиқ шахматчи иштирок этаётган турнирда ҳозирча Абдураҳмон Зайниддинов ва Акбар Аллаберганов (Тошкент) 3,5 очкодан жамғариб, пешқадамлик қилишяпти.

10 ёшлилар ўртасидаги баҳсларда Жавоҳир Бозоров (Тошкент) ва Абдулқодир Баҳодиров (Андижон) 4 имкониятдан 4 та очкога эга бўлишди. Шахромбек Каримов (Бухоро) ўз гуруҳида пешқадам бўлиб турибди. Унинг ҳисобида 4 та ғалаба.

Самарқандлик Акобирхон Сайдалиев ҳам тенгдошлари орасида ғолиб бўлиб турибди (4 очко). Муҳриддин Мадаминов (Тошкент) ва Даврон Шарипов (Қашқадарё) 16 ёшлилар ўртасида маҳорат кўрсатиб, 4 имкониятдан 3,5 очко жамғаришган. Самандар Шермуҳаммадов (Тошкент вилояти) тенгдошлари ичида якка пешқадам. Унинг ҳисобида 3,5 очко бор.

Қизлар ўртасидаги мусобақада Мохина Каримова (Наманган), Севинч Давлатова (Қашқадарё), Руқия Олимова (Самарқанд), Малика Жумаева (Сирдарё), Шарофатбегим Сайдалиева (Самарқанд), Барчиной Шокиржонова (Навоий), Умида Омонова (Сурхондарё), Дилобар Ҳамроева (Тошкент) лар ўз гуруҳларида пешқадамлик қилмоқда.

Рапид йўналиши бўйича мусобақалар бугун ниҳоясига етади. Эртага, 26 март куни эса шахматнинг блиц йўналиши бўйича мамлакат чемпионати ўтказилади.

Суратлар муаллифи - Алимурод МАМАДАМИНОВ, ўз мухбиримиз