18 янв 10:13
Янгиликлар

Бокс/ММА

Расман. Альварес 4 май куни бирлаштирувчи чемпионлик жангида рингга чиқади

Профессионал бокснинг ўрта вазн тоифасида WBC ва WBA йўналишлари чемпиони Сауль Альварес навбатдаги жангини расман май ойида ўтказади.

Аниқроғи, мексикалик жаҳон чемпиони 4 май куни шу вазнда IBF йўналиши чемпиони америкалик Дэниель Жейкобсга қарши рингга кўтарилади. Бирлаштирувчи чемпионлик жанги Лас-Вегас шаҳридаги T-Mobile Arena мажмуасида бўлиб ўтади.

“Кейинги жангим ҳақида анонс беришдан жуда ҳам хурсандман. Дэниель Жейкобсга қарши бирлаштирувчи чемпионлик жангида рингга чиқаман. Мутлоқ жаҳон чемпиони бўлиш йўлидаги навбатдаги қадамни ташлайман. Ғалабамга шубҳа қилмайман”, - деди Альварес ESPN каналига берган интервьюсида.