15 май 07:16
Янгиликлар
Футбол
Расман: Гризманн “Атлетико”ни тарк этади
Мавсум якунида 28 ёшли ҳужумчи “Атлетико” билан хайрлашади, деб хабар бермоқда Мадрид клуби расмий сайти.
Аввалроқ футболчининг “Барселона”га ўтиши ҳақида хабар берилганди. Унга кўра, 1-июлдан эътиборан “Атлетико” Антуан Гризманнинг товон пулини 200 миллион евродан 120 миллион еврога туширади. “Барселона” эса мазкур маблағни тўлашга рози.
Гризманн 2014 йил ёзида “Атлетико” сафига “Реал Сосьедад”дан 30 миллион евро эвазига келиб қўшилганди.
Футболчи мадридликлар сафида умумий ҳисобда 256 та ўйин ўтказиб, 133 та гол урди. Антуан жамоа билан биргаликда Европа Лигаси ва УЕФА Суперкубоги совринларини қўлга киритди.
Ҳавола :
Фикрлар