06 июл 08:17
Янгиликлар

Бокс/ММА

Расман. Жошуа навбатдаги икки жангини “Уэмбли”да ўтказади

Супероғир вазн тоифасида WBA, IBF ва WBO йўналишлари чемпиони Энтони Жошуа расман ўзининг навбатдаги икки жангини Лондондаги “Уэмбли” стадионида ўтказишини маълум қилди.

“Уэмбли” стадиони ўз бағрига 90 000 томошабинни сиғдира олади. Ўтган йили у шу стадионида собиқ жаҳон чемпиони украиналик Владимир Кличкога қарши супержанг ўтказганди.

Жошуанинг навбатдаги жанги 22 сентябрь кунига белгиланган. Энтони шу куни WBA камарини россиялик расмий даъвогар Александр Поветкиндан ҳимоя қилади.

Шунингдек, британиялик жаҳон чемпиони 2019 йилнинг 13 апрель кунига ҳам “Уэмбли”ни “брон” қилиб қўйди. Катта эҳтимол билан бўлажак жанг WBC чемпони америкалик Деонтей Уайлдерга қарши ўтказилади.