05 янв 15:45
Янгиликлар
Расман: Шуҳрат Муҳаммадиев "Насаф"дан кетди
Қаршининг "Насаф" жамоаси ўнг қанот ҳимоячиси Шуҳрат Муҳаммадиев "аждарлар" таркибини тарк этди.
Шуҳрат Муҳаммадиев янги мавсумни "Локомотив" сафида бошлайди. "Темирйўлчилар" икки йилдан буён Муҳаммадиевнинг хизматларига қизиқиш билдириб келишаётганди. Ниҳоят ушбу келишув амалга ошди. Муҳаммадиев кеча "Насаф" қароргоҳини тарк этган ва бугун Тошкентга, яъни ўзининг янги жамоаси "Локомотив" таркибига бориб қўшилади.
Бу хабарни футболчининг ўзи тасдиқлади.
Эслатиб ўтамиз, Шуҳрат Муҳаммадиев "Насаф" сафида Олий лигада жами 89 ўйин ўтказган ва 3 маротаба рақиблари дарвозасини нишонга олган.
Шуҳрат Муҳаммадиев "аждарлар" билан 4 бор бронза медалларига сазовор бўлди. Шунингдек, Шуҳрат Муҳаммадиев "Насаф" билан Ўзбекистон кубоги ва Ўзбекистон Суперкубогини қўлга киритган.
Ҳавола :
Фикрлар