24 июл 07:41
Янгиликлар

Футбол

Расман. “Валенсия” Пиччини билан шартнома имзолади

Испаниянинг “Валенсия” клуби расман ўз таркибига Италия ёшлар терма жамоасининг собиқ футболчиси Кристиано Пиччинини қўшиб олди.

Ўнг қанот ҳимоячиси “кўршапалаклар” сафига Португалиянинг “Спортинг” клубидан келиб қўшилди. “Валенсия” футболчи учун 8 млн евро тўлади, деб хабар бермоқда Football Italia нашри.

Эслатиб ўтамиз, Пиччини фаолиятини “Фиорентина” клубида бошлаган. Ўтган мавсумда у “Спортинг” сафида 40та расмий учрашувда майдонга тушган. Пиччини аввал ҳам Испанияда ўйнаган, аниқроғи, у уч мавсум “Бетис” шарафини ҳимоя қилган эди.