25 июл 07:25
Янгиликлар

Футбол

Расман. “Вест Хэм” Чичаритони 16 млн фунтга сотиб олди

Лондоннинг “Вест Хэм” клуби Мексика терма жамоаси ва “Байер” ҳужумчиси Хавьер Эрнандеснининг трансферини расман эълон қилди.

Чичаритонинг трансфери “болғачилар”га 16 миллион фунт стерлингга тушди, деб хабар бермоқда “Вест Хэм” клуби расмий сайти. Эрнандес Лондон клуби билан 3 йиллик шартнома имзолади ва тез орада жамоасининг Германиядаги йиғинига бориб қўшилади.

Sky Sports нашрининг хабар беришича, Чичарито “Вест Хэм”нинг энг кўп маош олувчи футболчисига айланган. Унниг ҳафталик маоши 140 000 фунт стерлингга тенг эканлиги айтилмоқда.