05 июл 10:05
Янгиликлар
Равшан Эрматов ЖЧдаги иштирокини якунлади. У Россиядаги мусобақада қанча пул ишлаб олди?
Мундиалда 17 нафар ҳакам ишини давом эттиради, афсуски улар орасида ўзбекистонлик Равшан Эрматов йўқ.
ЖЧ-2018да қуйидаги ҳакамлар ишлашда давом этишади: Алиризо Фағони (Эран), Наваф Абдулла Шукралла (Баҳрайн), Маланг Дьедиу (Сенегал), Женни Сиказве (Замбия), Марк Гейгер (АҚШ), Жейр Марруфо (АҚШ), Сесар Артуро Рамос (Мексика), Андрес Кунья (Уругвай), Нестор Питана (Аргентина), Сандро Риччи (Бразилия), Мэттью Конджер (Янги Зеландия), Жюнейт Чақир (Туркия), Бьорн Куйперс (Голландия), Антонио Мигель Матеу Лаос (Испания), Милорад Мажич (Сербия), Жанлука Рокки (Италия), Дамир Скомина (Словения).
Эслатиб ўтамиз, Эрматов Россиядаги мундиалда Аргентина – Хорватия (0:3) ва Испания – Марокаш (2:2) учрашувларида ишлади.
Жаҳон чемпионатларида 11та ўйинда бош ҳакам бўлган Эрматов мутлоқ рекордчи ҳисобланади.
Равшан Эрматов ва унинг бригадаси ЖЧ-2018да қанча пул ишлаб олди?
Жаҳон чемпионати бошланмасидан аввал Marca нашри ҳакамлар қанчадан пул олишлари ҳақида хабар тарқатганди.
Мундиалга боргани учун Эрматов 57 минг евро пул олди. Бундан ташқари ҳар бир учрашув учун 2 500 евродан пул берилади. Эрматов ЖЧ-2018да иккита ўйинни бошқарганини ҳисобга олсак 57000 еврога қўшимча тарзда 5000 евро ҳам ишлаб топди. Демак, бош ҳакам Россиядаги мусобақада жами 62000 евро ишлади.
Қанот ҳакамлари мусобақа учун 20 минг евро ва ҳар бир ўйин учун 1 600 евро пул олишди.
Демак Абдуҳамидилло Расулов ва Жаҳонгир Саидовнинг ҳар бири Жаҳон чемпионати пайтида 23200 евродан пул ишлаб топишди.
Фикрлар