05 май 11:17
Янгиликлар

Бокс/ММА

Райдер вақтинчалик WBA камарини қўлга киритди

Британиялик 30 ёшли Жон Райдер иккинчи ўрта вазн тоифасида вақтинчалик WBA чемпионига айланди.

Райдер бугун АҚШнинг Невада штати Лас-Вегас шаҳрида ўтказилган бокс оқшомида ушбу чемпионлик камарини қўлга киритди. Жон австралиялик 25 ёшли Билал Аккавига қарши рингга кўтарилди.

Райдер жангнинг учинчи раундидаёқ рақибини нокаутга учратди. Бу Билал учун фаолиятидаги илк мағлубият эди. Райдер учинчи раундда икки бор Аккавини нокдаун ҳолатига тушириб қўйди. Навбатдаги зарба берилиши олдидан эса рефери Жей Нейди жангни тўхтатди.

Аслида Райдер ўрта вазн тоифасида собиқ жаҳон чемпиони Давид Лемьега қарши жанг ўтказиши керак эди. Лекин жароҳат сабаб Давид бу жангда қатнаша олмади. Унинг ўрнини эса Аккави эгаллади. Бу вазнда WBA Super чемпионлик камари бошқа бир британиялик боксчи Каллум Смитга тегишли.