"Реал" "Ал Жазира" устидан иродали ғалабага эришди, Рашидов майдонга туширилмади

Ярим финал доирасидаги "Ал Жазира" - "Реал Мадрид" учрашувида "Қироллик клуби" иродали ғалабага эришди. "Ал Жазира" футболчилари 41-дақиқада Ромариньонинг голи эвазига ҳисобда олдинга чиқиб олишганди.  

Лекин 53-дақиқада Роналду, 81-дақиқада Гарет Бэйл томонидан киритилган голлар "Реал"га иродали ғалабани тақдим этди. Учрашувда ҳамюртимиз Сардор Рашидов майдонга туширилмади. Энди Зинедин Зидан шогирдлари финалда Бразилиянинг "Гремио" клубига қарши баҳс олиб боради. 

Клублар ўртасида ЖЧ. Ярим финал.

“Ал-Жазира”(БАА) – Реал Мадрид Испания 1:2 

Голлар:1:0 – 41 Ромариньо, 1:1 – 53 Роналду, 1:2 – 81 Бэйл.

Ал-Жазира – Хасиф (Саиф, 51), Фарес Жума, Айед, Омар, Ал-Хаммади (Ал-Отайба, 60), Юсеф (Ал-Гилани, 72), Рашид, Буссуфа, Файез, Мабхут, Ромариньо.

Реал Мадрид – Навас, Варан, Марсело, Хакими, Начо, Модрич, Каземиро, Иско (Асенсио, 68), Ковачич (Васкес, 68), Роналду, Бензема (Бэйл, 81).

Огоҳлантириш: Айед (68).