"Реал" Бэйлни трансферга қўяди

Маълумотларга кўра, "Қироллик клуби" уэльслик ўрнига бошқа футболчи қидиришни бошлаб юборган. Бэйлнинг "қаймоқранглилар" машғулотидаги сўнгги жароҳати клуб раҳбариятининг сабр косасини тўлдирди. Гарет Бэйл 2013 йилда "Реал"га ўтганидан бери 19 маротаба жароҳат олди ва бор-йўғи 55% учрашувларда иштирок этди. Жорий мавсум бошланишидан олдин "Манчестер Юнайтед" бош мураббийи Жозе Моуриньо унга қизиқиш билдирган эди, бироқ "Реал" Бэйлга ушбу мавсумда имконият беришга қарор қилди.

"Реал" Бэйл учун 100 млн. евродан ортиқроқ маблағ тўлади, унинг шартномаси 2022 йилниннг ёзида якунига етади. Ёзда манкунианлар у учун 120-150 млн. евро тўлашга рози бўлган эди, ҳозир эса унинг трансфер нархи 70-80 млн. евродан ошмаслиги мумкин.