"Реал"нинг жароҳат олган футболчилари сафга қайтмоқда

Терма жамоалар ўйинлари туфайли клубларда танаффус юзага келди. Аммо мадридликлар дам олиш ҳақида ўйламаяпти. 

Чоршанба куни бўлиб ўтган машғулотда терма жамоаларга чақирилмаганлар ва "Кастилья"нинг бир неча вакили иштирок этди. 

Жамоага бефарқ бўлмаганлар учун Марсело, Тео Эрнандес ва Карим Бенземанинг умумий гуруҳга қайтгани чинакамига хушхабар бўлди. Аммо бразилиялик машғулотнинг фақатгина биринчи қисмини ўтказди ва майдонни тарк этди, унинг франциялик жамоадошлари эса қолганлар билан шуғулланишни давом эттиришди. 

Даниэль Карвахаль, Матео Ковачич ва Гарет Бэйл ҳамон тикланиш жараёнини ўтказмоқда.