27 ноя 18:10
Янгиликлар
Футбол
Рибери “Бавария” билан шартномасини узайтирди
Мюнхеннинг “Бавария” клуби раҳбарияти жамоанинг франциялик ярим ҳимоячиси Франк Рибери билан амалдаги шартномани узайтирди.
Хабарда айтилишича, Риберининг янги шартномаси 2018 йилнинг ёзига қадар амал қилади. Амалдаги келишуви эса жорий мавсум охирида якунланар эди.
Эслатиб ўтамиз, 33 ёшли Рибери “Бавария” шарафини 2007 йилдан бери ҳимоя қилиб келяпти. Ўшанда у Франциянинг “Марсель” клубидан 25 млн евро эвазига “Бавария”га кўчиб ўтганди.
Тўққиз мавсум мобайнида у Мюнхен клуби либосида 333та учрашувда майдонга тушди. Ана шу ўйинларда Франк 108та гол киритиб, 164та голли узатма берган.
Ҳавола :
Фикрлар