Рио Олимпиадаси иштирокчиси мураббийлик фаолиятини бошлади

2017 йил 28 декабр куни Пахтакор туманида, бокс бўйича Пекин ва Рио олимпиадаси иштирокчиси, ярим профессионал йўналишда Жаҳон чемпиони Хуршид Тожибоев, «Ислом бирдамлик ўйинлари» ғолиби Бобоусмон Ботуров каби етук спортчилар таҳсил олган,  «Жиззах қурилиш зийнати» ХК томонидан замонавий реконструкция қилинган спорт залнинг очилиш маросими бўлиб ўтди. Маросимни туман хокими Нарзулла Ғайбуллаевич кириш сўзи билан очиб берди. Вилоят жисмоний тарбия ва спорт бошқармаси бошлиғи И.Тожибоев ва «Эл-юрт ҳурмати» ордени соҳиби, Ўзбекистонда хизмат кўрсатган мураббий Баҳодир Мирзақулов сўзга чиқиб янги иншоот билан табриклашди. Ушбу спорт залда Хуршид сингари спортчиларимиз етишиб чиқишига ишонч билдиришди.

Спорт залда Хуршид Тожибоев 2018 йил январ ойидан бошлаб ёшларимизга бокс сирларини ўргатишни  бошлади. Пахтакор туман ёшларини ушбу спорт тури билан шуғулланиш учун таклифлар берилди.