08 июл 07:12
Янгиликлар

Теннис

Рожер Федерер "Уимблдон" 1/4 финалида тўхтатилди

Сайёрамизнинг саккизинчи ракеткаси Рожер Федерер "Катта Дубулға" туркумига кирувчи "Уимблдон" турнирининг чорак финалида мағлубият аламини тотиб кўрди.

Швейцариялик афсона 1 соату 49 дақиқа давом этган баҳсда рейтингнинг 18-поғонасидан жой олиб турган польшалик Хуберт Гуркачга 3/6, 6/7(4), 0/6 ҳисобларида имкониятни бой бериб қўйди.

Рожер учрашув мобайнида 5 та, Хуберт эса 10 та эйс зарбасини амалга оширди. Гуркач номдор рақиби билан ўзаро учрашувларидаги ҳисоб мувозанатини тиклади - 1:1.