03 июн 08:56
Янгиликлар

Теннис

“Ролан Гаррос”. Бугун ҳамюртимиз асосий тўр баҳсида кортга чиқади

Бугундан Франция пойтахти Париж шаҳрида “Катта Дубулға” туркумига кирувчи “Ролан Гаррос” турнирининг ўсмирлар ўртасидаги асосий тўр баҳслари бошланади.

Хабар берганимиздек, ушбу нуфузли мусобақада ҳамюртимиз Сергей Фомин ҳам иштирок этаётганди. Фомин мусобақадаги иштирокини саралаш баҳсларидан бошлади. У аввалига япониялик Таисеи Ичикавани 3 соату 7 дақиқа давом этган учрашувда 6/7(4-7), 7/6(7-0), 7/6(7-4) ҳисобида мағлуб этди. Кейин эса франциялик Максенс Беждан устун келди.

Бугун ўзбекистонлик теннисчи асосий тўрнинг илк учрашувида чехиялик Ондрей Стилерга қарши кортга чиқади. Бу бахс Тошкент вақти билан соат 17:00да бошланади. 17 ёшли Фомин ўсмирлар (U-18) рейтингида 57, 18 ёшли Стилер эса 59-ўринни эгаллаб турибди.