Руфат Рисқиевнинг оёғи оғир хасталикдан сўнг кесиб ташланди

Бу ҳақда бокс мураббийи Мурод Эргашев Facebookдаги саҳифаси орқали маълум қилди, деб ёзади daryo.uz сайти.

“Дўстлар, Тошкентдан қайғули хабар келди. Бизнинг машҳур чемпионимиз Руфат Рисқиевнинг оёғи веналар тромбозининг оғирлашиши туфайли ампутация қилинди, — дейилади хабарномада.

Айтилишича, айни пайтда Руфат Рисқиев Тошкентдаги 16-шаҳар шифохонасининг жарроҳлик бўлими 5-палатасида бўлиб турибди.

Маълумот учун, 67 ёшли собиқ боксчи 1974 йил жаҳон чемпиони, 1976 йилда эса Монреаль Олимпиадаси кумуш медалини қўлга киритган.