27 июл 07:34
Янгиликлар

Бокс/ММА

Руис яна бир бор Уайлдер билан жанг қилиш истагини билдирди

Мексикалик супероғир вазнли боксчи, собиқ жаҳон чемпиони Энди Руис келгуси режалари билан ўртоқлашди.

У Луис Ортисга қарши жангдан сўнг айнан Уайлдер билан учрашмоқчи.

"Супероғир вазн ҳозир очиқ. Мен Луис Ортисни мағлуб этишим керак. Аввал ҳам айтганман, у қийин рақиб. Агар фаолиятини якунламаса, Деонтей Уайлдер билан жанг қилмоқчиман. У фаолиятини якунлашини айтдими-йўқми, буни билмайман.

Лекин мен у билан жанг қилмоқчиман. Иккаламиз ҳам Premier Boxing Champions ва Элла Хеймонс бошчилигида жанг қиламиз, шундай экан бу жангни ташкиллаштириш осон бўларди", - дея Руиснинг сўзларини келтиради BoxingScene нашри.

Таъкидлаш жоиз, Руис навбатдаги жангини 4 сентябрь куни Луис Ортисга қарши ўтказади.

Мексикалик боксчи аввал ҳам Ортисдан сўнг ким билан жанг қилмоқчилиги ҳақида гапирган эди.