Руслан Нурудинов — Ўзбекистон Кубоги ғолиби

Бугун мусобақанинг сўнгги кунида +109 кг вазн тоифасида кўпчилик Рио Олимпиадаси чемпиони Руслан Нурудиновнинг ғолиблигини тахмин қилганди.

Тажрибали атлетимиз билдирилган тахминларни оқлаб, супачада ҳам ишончли равишда биринчи ўринни эгаллади. 

Руслан даст кўтаришда 194, силтаб кўтариш машқида эса 231 кгни ўзига бўйсундирди ва икки кураш натижасига кўра - 425 кг.    

Шоҳсупанинг кейинги ўринларини 2004 йилда таваллуд топган атлетлар эгаллашди. 323 (148+175) кг натижа қайд этган Тошкент вилояти спортчиси Абдуллаев Амир иккинчи ўринни эгаллаган бўлса, учинчи ўрин Султонназиров Бобурга насиб қилди.

Эркаклар, +109 кг

1. Нурудинов Руслан (Андижон) - 425 (194+231) кг;

2. Абдуллаев Амир (Тошкент вилояти) - 323 (148+175) кг; 

3. Султонназиров Бобур (Хоразм) - 304 (136+168) кг.

Ўзбекистон оғир атлетика федерацияси матбуот хизмати