09 дек 13:58
Янгиликлар
Бошқалар
Саккиз карра Олимпиада чемпиони Пхёнчханга бормаслиги мумкин
Норвегиялик машҳур биатлончи саккиз карра Олимпиада чемпиони Уле-Эйнар Бьорндален келаси йили Жанубий Кореянинг Пхёнчхан шаҳрида ўтказиладиган қишки олимпия ўйинларида иштирок эмаслиги мумкин.
Бунга унинг бугунги кундаги спорт формаси сабаб бўлиши мумкин. Биатлон бўйича Норвегия эркаклар терма жамоаси бош мураббийи Зигфрид Мазе айнан шу ҳолатда ташвишда эканлигини маълум қилди.
“Агар у ўзининг юқори спорт формасига қайта олмас экан, терма жамоамизнинг бошқа спортчисига ишонч билдиришимизга тўғри келади. Тўғри, Бьорндаленнинг бой тажрибасига шубҳа қилмаймиз. Лекин айни пайтда у ўзининг юқори спорт формасида эмас”, — деди Мазе.
Шу кунларда давом этаётган жаҳон Кубогининг тўртта пойгасидан сўнг 43 ёшли Бьорндален шахсий ҳисобда 69 очко билан 21-ўринда бормоқда. Уле шу кунгача ўтказилган учта мусобақада мос равишда 18, 28 ҳамда 31-ўринлар билан кифояланган эди.
Ҳавола :
Фикрлар