Сан-Хосе турнирида чемпион аниқланди

Мусобақанинг ҳал қилувчи финал учрашувида дунёнинг 36-ракеткаси, америкалик Даниэль Коллинз рейтингда ўзидан беш поғона юқорида бораётган россиялик Дарья Касаткинага қарши кортга чиқди. Икки соату 18 дақиқа давом этган баҳсда Коллинз 6/3, 6/7(10, 6/1 ҳисобларида зафар қучди.

Америкалик 27 ёшли Коллинз учрашув давомида 12, 24 яшар Касаткина эса 2 та эйс зарбасини амалга оширди. Даниэль бугунги ғалабаси эвазига ўзаро учрашувлардаги ҳисобни қисқартирди - 2:1. Mubadala Silicon Valley Classic турниридаги муваффақиятли иштирок Коллинзга 470 рейтинг очкоси ҳамда 68,570 доллар мукофот пули тақдим этди.