25 сен 08:35
Янгиликлар
Бокс/ММА
Санжар Раҳмонов 8 октябрь куни Лас-Вегасда рингга кўтарилади
Афсонавий Флойд Мейвезерга қарашли промоутерлик компанияси боксчиси ҳисобланган ҳамюртимиз Санжар Раҳмонов ўзининг навбатдаги жангини яна АҚШнинг Лас-Вегас шаҳрида ўтказади.
Бу ҳақида боксчимизнинг ўзи сайтимизга берган блиц интервьюсида маълум қилди.
“Режага кўра, еттинчи жангимни 8 октябрь куни ўтказаман. Ҳозирча рақибимнинг ким бўлиши номаълум. Жамоамиз промоутерлари бир неча нафар боксчилар билан музокара олиб боришяпти.
Шуниси аниқки, жанг Лас-Вегас шаҳрида бўлиб ўтади. Бундан аввалги жангимни Мейвезернинг ўзи аренада кузатиб борди ва жангдан сўнг мени ғалаба билан шахсан табриклади”, - деди Раҳмонов.
Маълумот учун, Санжар Раҳмонов сўнгги жангида америкалик Маркиус Хоуторнни мағлубиятга учратган эди. Унинг ҳисобида 6та жанг бор. Ғалабалар сони 5та, битта жангда дуранг натижа қайд этилган.
Ҳавола :
Манба : olamsport.com
Фикрлар