Санжар Раҳмонов кечаги жангида илк чемпионлик камарини қўлга киритди

Проф рингда мағлубият нималигини билмай келаётган ҳамюртимиз дунё бокс маркази ҳисобланган Лас-Вегас шаҳрида америкалик Хайлон Уильямсни муддатидан аввал иккинчи раунддаёқ нокаутга учратди. Бу билан у фаолиятидаги 10-ғалабасига эришди.

Эътиборлиси, Санжар Раҳмонов кечаги ғалабаси эвазига ўзининг биринчи – NABF чемпионлик камарини қўлга киритди.

“Халқимни, яқинларимни ва мен учун дуода бўлган барча инсонларни, жамоамни янги ғалабамиз билан табриклайман. NABF чемпионлик камари профессионал фаолиятимдаги илк соврин ва у энг сўнггиси бўлиб қолмайди”, - деди Раҳмонов.  

Маълумот учун, афсонавий Флойд Мейвезер клуби номидан жангларда иштирок этиб келаётган Санжар Раҳмонов профессионал боксдаги фаолияти давомида 11та жанг ўтказган бўлиб, шуларнинг 10тасида ғалаба қозонган. Битта жангда эса дуранг натижа қайд этилган.