Санжар Раҳмоновни табриклаймиз!

Флойд Мэйвезерга тегишли промоутерлик компаниясида фаолият олиб бораётган боксчимиз бугун ўзининг 28 ёшини нишонлаяпти. Бугунги кунда Раҳмонов АҚШнинг Невада штати Лас-Вегас шаҳрида профессионал боксдаги фаолиятини давом эттирмоқда. 

Санжар шу кунгача профи рингда 9та жанг ўтказган бўлиб, уларнинг 8тасида ғалаба қозонган. Битта жанг дуранг натижа билан якунланган. У 22 август куни америкалик Ноэ Лопесга қарши рингга кўтарилиб, рақибини иккинчи раундда нокаутга учратган эди. 

Айнан мана шу жанг ҳозирча Раҳмоновнинг фаолиятидаги сўнггиси бўлиб турибди. Биз бугун таваллуд айёмини нишонлаётган боксчимизни табриклаб, унга машҳур чемпионларнинг йўлини берсин, деб ният қиламиз.

БИЗНИНГ МАЪЛУМОТ:

Санжар Раҳмонов – 1989 йил Андижон  шаҳрида туғилган. Бокс билан 11 ёшидан шуғулланади. Биринчи мураббийи – Зиёвуддин Тайғонбоев. 

64 кгда ринга чиқади. Бўйи 171 см.

Ҳаваскор боксда:

Осиё чемпиони (Хитой, 2009 йил)

Осиё ўйинларининг бронза медали соҳиби (Гуанчжоу, 2010 йил)

Ўзбекистон чемпиони (2013 йил)

Уч карра жаҳон чемпионати иштирокчиси (Милан 2009 йил, Боку 2011 йил, Олма-Ота 2013 йил). Кўплаб халқаро турнирлар ғолиби.

Оилада учта фарзанд. Сардор, Санжар, Раййона.

Дадаси Абдушукур Раҳмонов – тадбиркор

Онаси Умидахон Раҳмонова – ўқитувчи