Сарвиноз 11th Chennai Open турнирида иштирок этди

11th Chennai Open International Grandmaster Chess Tournament 2019 турнирида 17 давлатдан шахматчилар иштирок этишди. Улар орасида 20 халқаро гроссмейстер, 3 нафар аёллар гроссмейстери, 28 халқаро мастерларнинг борлиги мусобақа нуфузини оширди. 

Ченнай турнирида юртимиз шарафини ягона вакиламиз Сарвиноз Қурбонбоева ҳимоя қилди. Халқаро аёл гроссмейстер унвонига эга бўлган вакиламиз кеча ўтказилган сўнгги 10-турда оқ доналарда ҳиндистонлик Пракаш Генишни мағлубиятга учратди. 

Ўн имкониятдан 6 очко жамғарган Сарвиноз Қурбонбоева якунда қўшимча коэфицентларга кўра 53-поғонадан жой олди. Турнирда иккинчи рақам остида сараланган грузиялик халқаро гроссмейстер Леван Панцулая 8,5 очко билан 11th Chennai Open ғолибига айланди. 

Гроссмейстерлар - россиялик Иван Попов, беларуслик Алексей Александров, грузиялик Лука Пайчадзе, индонезиялик Сусанто Мегаранто ҳамда яна бир рус шахматчиси Иван Розум 8тадан очко жамғариб, кейинги ўринларни банд этишди.