Саудия Арабистони ва Вьетнам жаҳон чемпионати иштирокчилари!

Кутилмаганда Вьетнам терма жамоаси ярим финалга чиқиш баробарида жаҳон чемпионати йўлланмасини ҳам қўлга киритди. Вьетнам ёшлари чорак финалда қитъа чемпионати мезбонларини 1:0 ҳисобида мағлуб этишди.  

Иккинчи чорак финал учрашувида Ироқ ва Саудия Арабистони терма жамоалари майдонга тушишди. Бу ўйин тақдири пеналтилар сериясида ҳал бўлди. Асосий вақт 2:2 ҳисобидаги дуранг натижа билан якунланди.

Қўшимча бўлимларда жамоалар гол ура олишмади ва ғолиб пенальтилар сериясида аниқланди. Футбол лотореясида омад Саудия Арабистонига кулиб боқди - 6:5. Саудия Арабистони ярим финалда Ўзбекистон ёки Эрон жамоаларидан бирига қарши ўйнайди.

Чорак финал

ИРОҚ – САУДИЯ АРАБИСТОНИ 2:2 (пенальтилар серияси 5:6)

Голлар: Сажжад Ҳуссайин 75, Мазин Фаёд 80 - Ракан Аланазе 65, Абдулраҳмон Ал Ями 70.

БАҲРАЙН – ВЬЕТНАМ 0:1

Гол: Тран Тан 72