30 янв 12:06
Янгиликлар
Бокс/ММА
Сауль Альварес: “Бу сафар Головкинга ҳакамлар ёрдам бера олмайди”
Мексикалик боксчи Сауль Канело Альварес қозоғистонлик Геннадий Головкинга қарши ўтказиладиган реванш жанги хусусида ўз фикрини билдирди.
Бу икки боксчи ўртасидаги илк жанг ўтган йилнинг сентябрь ойида ўтказилган ва унда дуранг натижа қайд этилганди. Альвареснинг айтишича, ўрта вазнда WBC, WBA ҳамда IBF йўналишлари чемпиони бўлиб турган Головкинга реванш жангида ҳакамлар ҳам ёрдам бера олмайди.
“Бокс тарихидаги муҳим жангларнинг бирида яна бир бор иштирок этишимдан хурсандман. Лекин бу сафар ҳаммаси бошқача бўлади. Энди Головкинга ҳакамлар ҳам ёрдам бера олмайди. Чунки, мен уни нокаутга учратаман”, – деди Канело.
Эслатиб ўтамиз, Геннадий Головкин ва Сауль Альварес ўртасидаги жанг 5 май куни бўлиб ўтади. Ҳозирча жангнинг ўтказилиш манзилига ойдинлик киритилмаган.
Ҳавола :
Фикрлар