05 мар 17:29
Янгиликлар

Бокс/ММА

Сауль Альварес “эътиборли” WBC чемпиони мақомини олади

Профессионал бокснинг ўрта вазн тоифасида икки йўналиш чемпиони бўлиб турган Сауль “Канело” Альварес ўзига хос мақомдаги WBC чемпионига айланади.

Бутунжаҳон бокс уюшмаси (WBC) президенти Маурисио Сулейман айнан шундай таклиф билан чиқди. Мексикалик боксчи барча вазн WBC чемпионлари орасида алоҳида мақомга эга бўлади. Ҳозирча WBC президенти ваъда қилган мақом қандай эканлиги маълум эмас.

“Сауль Альварес барча қийинчиликларни ҳамда босқичларни босиб ўтган боксчи ҳисобланади. Унинг бошқа чемпионларимиздан ажралиб турадиган жиҳати кўп. Шу боис ҳам унинг мақоми юқорироқ бўлиши керак”, - деди Сулейман.

Эслатиб ўтамиз, Сауль Альварес 4 май куни АҚШнинг Невада штати Лас-Вегас шаҳрида ушбу вазн тоифасида IBF чемпиони бўлиб туган америкалик Даниэль Жейкобсга қарши рингга кўтарилади.