12 авг 10:49
Янгиликлар

Бокс/ММА

Сауль Альварес: “Головкинни нокаут қилиш учун 1-раунддан ҳаракатни бошлайман”

Мексикалик Сауль Альварес ўрта вазн тоифаси чемпиони Геннадий Головкинга қарши кечадиган иккинчи жанг олдидан яна бир бор ўз фикри билан ўртоқлашди.

“Мен илк раунддан тўлиқ куч билан ишга киришаман. Мақсадим Головкинни нокаут ҳисобига мағлуб этишдан иборат бўлади. Геннадий мен пул учун жанг ўтказмайман деди. Лекин унинг ўзи ҳам бу гапига ишонмайди.

Мени допинг истеъмол қилганликдаги айбловига эътибор ҳам қаратмадим. Невада штатининг Атлетик комиссияси тақиқланган модданинг организмимга тасодифан тушиб қолганини яхши билади”, - деди Альварес.

Эслатиб ўтамиз, Головкин - Альварес жанги 15 сентябрь куни АҚШнинг Невада штати Лас-Вегасе шаҳрида бўлиб ўтади.