14 сен 12:05
Янгиликлар

Бокс/ММА

Сауль Альварес: “Мен Головкинни нокаут қилишга тайёрман”

Мексикалик боксчи Сауль “Канело” Альварес 16 сентябрь кунига белгиланган жангда ўрта вазн қироли қозоғистонлик Геннадий Головкинни нокаутга учратишга тайёр эканлигини маълум қилди.

“Сизларни ишонтириб айта оламанки, 16 сентябрь оқшомида ажойиб жанг бўлади. Мен учун энг муҳими - ғалаба!Лекин жангни имкон қадар тезроқ якунлашга ҳаракат қиламан. Геннадийни нокаутга учратмоқчиман ва бунга ҳозироқ тайёрман. Аммо рингда ҳамма нарса бўлиши мумкин”, – деди Альварес Sky Sports нашрига берган интервьюсида.

Маълумот учун, Геннадий Головкин ва Сауль Альварес ўртасидаги жанг 16 сентябрь куни Лас-Вегас (АҚШ) шаҳридаги T-Mobile аренасида бўлиб ўтади. Ўртага эса Головкиннинг чемпионлик камарлари қўйилган. Фақат WBC чемпионлик камари бундан мустасно.