26 дек 15:54
Янгиликлар

Бокс/ММА

Сауль Альвареснинг навбатдаги жанг санаси ва рақиби маълум

Икки вазн тоифасида жаҳон чемпиони бўлиб турган Сауль “Канело” Альвареснинг навбатдаги жанг санаси ва манзили аниқ бўлди.

Мексикалик жаҳон чемпиони 4 май куни АҚШнинг Невада штати Лас-Вегас шаҳрида рингга кўтарилади. Сауль Альвареснинг жамоаси T-Mobile Arena саройини айнан 4 май кунига “брон” қилиб қўйди.

Келаётган ҳафтада Альвареснинг промоутерлари ўрта вазн тоифасида IBF чемпиони америкалик Дэниэль Жейкобснинг жамоаси билан музокара бошлайди. Жейкобснинг ўзи ҳам бу жангга розилик берган. Америкалик жаҳон чемпионининг промоутери Эдди Хирн бу маълумотни тасдиқлади.